تلنگانہ کے بی جے پی لیڈر ڈاکٹر لکشمن کا اترپردیش سے راجیہ سبھا کے لئے پرچہ نامزدگی داخل

نئی دہلی _ 31 مئی ( اردولیکس) تلنگانہ بی جے پی کے سینئر لیڈر ڈاکٹر کے لکشمن نے اترپردیش سے راجیہ سبھا کے امیدوار کی حیثیت سے اپنا پرچہ نامزدگی داخل کردیا۔ بھارتیہ جنتا پارٹی نے مختلف ریاستوں میں ہونے والے راجیہ سبھا کے دو سالہ انتخابات کے سلسلے میں اتر پردیش سے دو اور مدھیہ پردیش اور کرناٹک سے ایک ایک نام جاری کیا۔ بی جے پی کی جانب سے جاری کردہ چار امیدواروں میں



تلنگانہ کے سینئر لیڈر ڈاکٹر کے لکشمن بھی شامل ہیں جو بی جے پی کی پسماندہ طبقات مورچہ کے صدر بھی ہیں انھیں اتر پردیش سے امیدوار نامزد کیا گیا ہے۔ڈاکٹر لکشمن حیدرآباد کے مشیرآباد اسمبلی حلقہ سے متحدہ ریاست آندھراپردیش کی اسمبلی میں نمایندگی کرچکے ہیں

آج ڈاکٹر لکشمن نے لکھنو میں چیف منسٹر اترپردیش یوگی آدتیہ ناتھ کے ساتھ مل کر اپنا پرچہ نامزدگی داخل کردیا۔